رواية عشقه عڈاب للكاتبة شهد الشورى الفصل الاول

فيه
بس لو الموضوع مهم ممكن الغيه عايزانى ارجع بدري ليه يا ماما !!
اجابته بتردد فهي تعلم رأيه بذلك الموضوع 
جيرانا اللي سكنوا جديد في الفيلا اللي قدامنا هيزورونا انهاردة و عندهم بنت جميلة اوي كنت عايزاك تتعرف عليها
اومأ برأسه عدة مرات قائلا بهدوء 
اممم بنت قولتيلي
سألته فريدة بلهفة 
هتيجى
نهض قائلا قبل ان يغادر غرفة الطعام لخارج الفيلا متوجها لعمله 
عندي شغل ابقي خلي مراد يشوفها يمكن تعجبه
التفتت فريدة لأحمد قائلة بحزن 
بيتهرب من الموضوع ده كل ما يتفتح نفسي افرح بيه هو و مراد
ابتسم قائلا بهدوء 
سيبيهم على راحتهم يا فريدة مسيرهم في يوم هيتجوزوا يعني الموضوع ده بالذات مينفعش فيه ڠصب و تخطيط هما مش صغيرين دول رجالة
اومأت له قائلة بحزن 
عارفة بس كل ما الموضوع يتفتح كل واحد فيهم يقولي مش هنتجوز خالص و معرفش ايه ده بيقلقني يا احمد
ابتسم قائلا بغزل 
كنت زيهم في يوم من الأيام و كنت بفكر زيهم بس اول ما شوفتك نسيت كل الكلام ده و كان كل همي اني اتجوزك يا قلبي
ابتسمت بسعادة و حب ليقبل يدها قائلا 
متشغليش بالك بحاجة يا روح قلبي هما كبار مش صغيرين
اومأت له بصمت ليتابع احمد بتذكر 
صحيح كنت هنسى قربت اوصل ليهم خلاص عنوانهم هيكون عندك في اقرب وقت
رددت بلهفة و حنين 
ياريت يا احمد دي وحشتني اوي الدنيا تلاهي انا انشغلت مع الأولاد و الدنيا خدتني و هي كمان اكيد كده و متقبلناش بقالنا سنين طويلة !!!
قبل رأسها قبل ان يغادر لعمله هو الأخر 
انا وعدتك هتشوفيها في اقرب وقت اشوفك لما ارجع من الشغل سلام يا حبيبتي
ابتسمت قائلة بحب 
مع السلامة يا حبيبي
توقفت تلك السيارة الفارهة البيضاء أمام احد القاعات الخاصة بالمحاضرات بتلك الجامعة الحكومية التي اصرت على ان تدرس بها على الرغم من ان والدها يستطيع ان يجعلها تدرس بأكبر الجامعات الخاصة مثل شقيقها لكنها رفضت لرغبتها بأن تدخل الجامعة التي أرادت بمجموعها الذي حصلت عليه بالثانوية انها رهف الابنة الصغرى و المدللة لأحمد الراوي
الآن هي بالفرقة الرابعة و لم تكون صدقات داخل الجامعة رغم محاولة الكثير التقرب منها و بالطبع هي تعرف لما ثراء والدها و شهرته هم سبب ذلك لم يريد احد ان يقترب منها لشخصها بل لثراء والدها لذا لم تجد بهم اصدقاء حقيقيون فقط زملاء لا اكثر
انهت محاضرتها و استندت بجسدها على سيارتها تضع السماعات بأذنها حتى لفت انتباهها فتاتين دائما ما تراهم معها بالمحاضرة من المتفوقين فأحدهما كانت الأولى على الدفعة العام الماضي اخذت تتابعهم بابتسامة و هم يضحكون سويا يتناولون الطعام برفقة بعضهم البعض كلما وقعت عيناها على احداهما تجدها برفقة الأخرى كم تمنت ان تجد صديقة حقيقة هي الأخرى تتشارك معها يومها مثلهما !!!
تقابلت اعينها مع احداهما لتبتسم لها بهدوء فردت لها الابتسامة فوجدت قدمها تقودها إليهما قائلة بابتسامه و هي ترفع يدها تجاههم حتى تصافحهم 
مساء الخير
رد الاثنان معا بابتسامه مصافحين اياها 
مساء النور
ممكن اقعد معاكم !!
اومأ لها الاثنان لتجلس برفقتهم على العشب بالأرض لتبادر هي بالحديث قائلة ببعض الحرج 
انا اسمي رهف و انتوا
ابتسمت احدهما قائلة بصوت رقيق ناعم 
انا غرام و هي ورد
ابتسمت رهف قائلة باعجاب 
اسمائكم حلوة اوي
ورد بابتسامة 
انتي كمان اسمك حلو اوي
سألتهما رهف 
انتوا صحاب من زمان !!!
غرام بابتسامه و هي تنظر لورد 
من زمان اوي من ابتدائي