جوازة ابريل بقلم نورهان محسن الجزء الأول والثاني

التي كانت تحدق بها منذ عدة ثوان فى صمت ميرسي جدا!
عقدت يديها معا وتغلبت على توترها بنظراتها المتحدية تجاه يوسف الذي كان متوترا من حضورها غير المتوقع ثم قالت بجدية موجهة في حديثها لأبريل تسمحيلي من فضلك .. عايزة اكلم معاكي شوية في موضوع شخصي!
اتسعت عيون أبريل بدهشة أكبر وأعادت شعرها خلف أذنها وسألتها بغرابة موضوع شخصي بينا احنا الاتنين!
رددت حنين مؤكدة ايوه اذا سمحتي!!
ابتلع يوسف لعابه بتوتر شديد إذ أحس بحرارة شديدة تجتاح جسده مم سيحدث عقب هذا الحديث بينما رمقته أبريل بنظرات متوجسة بسبب حالته القلقة خاصة عندما خرج صوته مندفعا بعض الشيء طيب معلش يا حنين اديها خمس دقايق تطلع تغير الفستان الاول

نظرت إليه حنين بتحدي سافر وتحدثت بثقة وتصميم مفيش داعي هما دقيقتين مش اكتر مش هعطلها كتير
فرك يوسف جبهته مضطربا من إصرارها ثم مسح على شعره الأسود بقلة حيلة وبلهجة هادئة غمغم طيب يا ابريل هسيبكوا شوية
أومأت أبريل له بالموافقة وسرعان ما اختفى عن أعينهم بينما تحركت إبريل ترفع الفستان عن الأرض بقبضتيها متوترة من ذلك الجو الغامض وخلفها سارت حنين بهدوء لتقول بابتسامة صغيرة عندما وصلا إلى مكان الجلوس في الهول اتفضلي
جلست حنين مقابلها واضعة إحدى قدميها فوق الأخرى تخاطبها بصوت هادئ من غير ما اطول عليكي .. خليني اختصرلك انا مين في جملة واحدة .. هتقصر علينا وقت تعارف كبير
حدقت ابريل فيها بأعين ضيقة وهى تعبث بالقلادة الذهبية رقيقة الشكل حول رقبتها بإضطراب وداخلها يرتجف ترقبا بشعور غريب بينما سحبت حنين الهواء بعمق إلى رئتيها وزفرته ببطء ثم قدمت نفسها بنبرة واثقة انا حنين .. ابقي مرات مصطفي الترابلسي .. خطيبك..!
حدجتها أبريل بعينين واسعتين پصدمة شعور خانق لا عقلانية به يضغط على رقبتها مانعا اياها من التنفس.
هل يسخر منها القدر أم أن هذا كابوس يطاردها وهي مستيقظة
نهاية الفصل الخامس عشر
رواية_جوازة_ابريل
نورهان_محسن
الفصل السادس عشر شرنقة من حرير رواية جوازة ابريل ج
سقوها من كأس الأكاذيب فتلذذت بحلاوته بينما يمهدوا لها طريقا ممتلئ بالخداع وجعلوها تمشي فيه كالعمياء ولم تفكر إلى أين سيقودها هذا الطريق المهلك الحالك. 
جلست حنين مقابلها واضعة إحدى قدميها فوق الأخرى لتبلل فمها بطرف لسانها قبل أن تخاطبها بصوت هادئ من غير ما اطول عليكي .. خليني اختصرلك انا مين في جملة واحدة .. هتقصر علينا وقت تعارف كبير
حدقت ابريل فيها بأعين ضيقة وهى تعبث بالقلادة الذهبية رقيقة الشكل حول رقبتها بإضطراب وداخلها يرتجف ترقبا بشعور غريب بينما سحبت حنين الهواء بعمق إلى رئتيها وزفرته ببطء ثم قدمت نفسها بنبرة واثقة انا حنين .. ابقي مرات مصطفي الترابلسي .. خطيبك..!
حدجتها أبريل بعينين واسعتين پصدمة شعور خانق لا عقلانية به يضغط على رقبتها مانعا اياها من التنفس.
هل يسخر منها القدر أم أن هذا كابوس يطاردها وهي مستيقظة
كلمات هذه المرأة وقعت على مسامعها كالصاعقة الكهربائية لكنها سرعان ما فاقت من صډمتها وكادت أن تفتح فمها استعدادا لسؤالها عما قالته ااا...
قاطعتها حنين على الفور وهى ترفع كفها أمامها خليني اكملك من فضلك
اكتفت بإيماءة بسيطة برأسها دليلا على موافقتها فتابعت حنين حديثها موضحة لها انا ومصطفي اتجوزنا من تمن سنين عن حب رغم ان اهله من يوم ما اتجوزنا وهما مش شايفني مناسبة لإبنهم .. وعيشنا مع بعض وخلفنا بنتين
وكنا كويسين لحد..
صمتت حنين للحظات تستجمع قواها وتحاول قمع مشاعر الضعف التى بزغت عبر صوتها رغما عنها وهي تتابع السرد لحد ما حصلت بينا من فترة بسيطة مشكلة .. واهله دخلو بالموضوع وكبروا القصة اوي .. وهو سابلي البيت وراح قعد في بيت اهله
استمرت أبريل في الاستماع إليها بتيه غير قادرة على فهم معظم الكلمات وكانت عيناها متحجرتين وملامحها جامدة بشكل تعجز الكلمات على وصفه بينما نكست حنين رأسها وحكت جلد الحقيبة بأظافرها في اضطراب وأضافت بابتسامة مليئة بخيبة الأمل بعد ما عدا كام يوم علي المشكلة وهديت استنيتوا يكلمني عشان يصالحني .. بس اتفاجأت بمكالمة المحامي ليا للي بلغني ان مصطفي عايزو يمشي في اجراءات الطلاق وننفصل بشكل رسمي .. بس انا اقنعته بالعافية يأجل اجراءته لحد ما احاول اصلح الامور بيني وبين مصطفي
توقفت حنين عن مواصلة حديثها لالتقاط أنفاسها حين ذلك وبطريقة ما وجدت أبريل صوتها يخرج أخيرا متصلبا ومتسائلا معلش الكلام دا من قد ايه!
اتجهت حنين بعيناها الي اعلي اليسار ثم أجابتها بهدوء كان من حوالي ست شهور تقريبا
إلتزمت أبريل الصمت وسرعان ما قلبت هذه الكلمات في ذهنها لتستنتج أن توقيت هذه الأحداث كان تقريبا في بداية تعرفها على مصطفى ثم بعد شهرين ونصف تمت خطبتهما.
انقطعت أفكارها عندما تابعت حنين الحديث وهي تشرح لها الأمر فعادت تنظر إليها بإنتباه اهلي مش بالساهل هيقتنعوا بفكرة طلاقي خصوصا ان محدش في عيلتنا اطلقت .. وكنا بنتجوز من بعض .. بس انا صممت اتجوزو .. وبعد مشاكل كتير وضغط مني وافقوا .. واذا اطلقت منه اهلي هيجبروني اسيب بناتي تروح لأبوهم ويجوزوني تاني ڠصب عني
خطړ في ذهنها سؤال لم تتردد لحظة واحدة في طرحه عليها فتحدثت بغتة تسألها بارتعاشة ايه خلاكي تيجي دلوقتي قبل فرحي بأسبوعين .. عشان تقولي انه متجوزك .. ولا ماكنتيش تعرفي
أنهت ابريل كلماتها بتيه لتجيبها على الفور بصدق كنت عارفة انه خطب .. بس مكنتش اعرف ان معندكيش فكرة بموضوع جوازه خالص .. ودا خلاني اتشجع واجي اكلم معاكي
قالت جملتها الأخيرة بشيء من التردد قبل أن تلتقي عينى ابريل المصډومة بحدقتى حنين التي يعلوها طبقة رقيقة ظاهرة من الدموع واستطردت حديثها بصوت هامس مليء بالحزن والأسى وصدقيني انا مش جاية ابوظ فرحتك .. بس حطي نفسك مكاني وقدري موقفي .. انا بحبه وفي نفس الوقت انا ام لبنتين مش عايزة بيتي يتخرب مش عايزة بناتي يتربوا بعيد عن ابوهم ولا بعيد عني .. واذا مش مصدقة كلامي انا جاية معايا قسيمة جوازنا وادخلي علي حساباته بالسوشيال ميديا هتلاقي صور بناته معاه
أجبرت أبريل نفسها على الابتسام رغم أنها كانت تكاد تسمع صوت فرحتها تتكسر على أرض صلبة وتتحطم معها العديد من الأحلام الوردية التي كانت قد صنعتها لمستقبلها مع هذا الرجل لكن هذا ليس الوقت المناسب للاڼهيار ربتت علي كفها بلطف وهمست بتعاطف مليء بالخذلان مصدقاكي وانا اسفة بجد ماكنش عندي علم ب ولا حاجة من دا كله .. حتي اني مافكرتش ادور بحساباته ولا اسأله عن حاجة بحياته القديمة ومكنتش اعرف بوجودك الا انهاردة بس
وما أن أنهت جملتها حتى ظهرت سلمى أمام أعينهم لتسأل بنبرة غاضبة انتي ايه جابك هنا يا حنين!
إنتبهت حنين إلى نظراتها غير المرحبة بها فقوست فمها بابتسامة متهكمة هتفت بفتور ازيك يا مدام سلمي!
رددت سلمي مرة أخرى بعدم صبر بقولك بتعملي ايه هنا .. ردي عليا!
اتسعت ابتسامتها المستفزة عندما أمالت رأسها إلى اليمين وردت ببرود متعمد جاية اشوف عروسة جوزي
تجاهلت سلمى الرد عليها لتنظر إلى أبريل التي كانت تجلس على كرسيها ساكنة بلا حراك فقط عيناها تتحركان بينهما لتشير باشمئزاز إلى حنين وتقول بإستفهام الست دي قالتلك ايه يا ابريل!
حولت نظرتها على ابريل مرة أخرى بينما تقول بجدية ابريل انا خلصت كلامي .. وهسيبلك الاختيار في ايدك انتي دلوقتي
صړخت سلمى عليها بإمتعاض وأشارت بإصبعها نحو باب الفيلا امشي اطلعي برا من بيتي يا حنين حالا
رمقتها حنين بنظرة باردة رافعة أنفها بكبرياء قبل أن تسير بخطوات ثابتة لتخرج من المنزل بينما نهضت إبريل من مقعدها بهدوء ما قبل العاصفة لتواجه سلمى بنظرات تفيض بالاتهام والعتاب وخيبة الأمل بعد أن أدركت پألم أن ثقتها بها كانت فى غير محلها مم جعل سلمى لا تتحمل التحديق إليها وتتجنب نظراتها.
مرت عدة لحظات قبل أن تعقد أبريل ذراعيها تحت صدرها وتقول بإقتضاب ساخر واضح من طريقة استقبالك ليها انك عارفة ان كل اللي قالته مظبوط وازاي يطلع متجوز وانا معرفش حاجة!
تحدثت سلمى بمشاعر ناقمة تجاه حنين فيما كانت تشيح بيديها في الهواء بتوتر عصبي تعرفي ايه وتعرفي ليه!! دي هتبقي طليقته قريب هو قالنا كدا..
هزت ابريل رأسها بالسلب قبل أن تصيح احتجاجا لا .. من حقي اعرف
لأني انا اللي هتجوز مش حد تاني
أخذت سلمى نفسا عميقا لتزيل ذلك التوتر عنها واقتربت منها بخطوات حذرة ورفعت يديها تربت على أبريل بلطف وخاطبتها بنبرة هادئة ابريل يا حبيبتي .. مصطفي فعلا شاريكي وبيحبك .. عشان كدا كان متردد يفتحلك الموضوع دا
ارتدت أبريل إلى الوراء رافضة الشعور بكلماتها الحانية التي كانت في هذه اللحظة مثل الجمرات على جلدها وهي تستمع منها إلى هذا الهراء دون أدنى قناعة مم جعل سلمى تجفل منها عندما ردت عليها بصوت منزعج انتي فاكراني عيلة صغيرة هتصدق الكلام الفارغ دا .. لو كان عايز يطلقها معملهاش ليه من ست شهور!
_بلاش دي .. يا تري كان هيتجوزني وهي لسه علي ذمته .. ولا كان هيطلقها الاول في خلال اسبوعين!
أدركت أبريل من عدم نظر سلمي مباشرة إلى عينيها أن هناك شيئا لا تريد أن تكشفه لها وكان من المؤكد أن كلماتها التالية هي كڈبة ستحاول خداعها بها بينما استنشقت سلمى نفسا عميقا وأخبرتها بدفاع مؤكد اكيد كان هيطلقها وا...
قطعت أبريل بقية عبارتها هاتفة بصلابة مشوبة بالجمود فلم تعد ترغب في سماع المزيد من الأكاذيب ما تلقته منهم كان كافيا حتى الآن انا مش هتجوز
انكمشت ملامحها بإستنكار وتشدقت بإستهجان انتي اجننتي يعني ايه مش هتتجوزي .. وفرحك بعد كام يوم
وضعت يدها على صدرها تتنفس بقوة وتبزغ من عينيها مشاعر الازدراء وهي ترفع حاجبيها في استياء لتخبرها بلهجة مقهورة فرحي!! قصدك القعدة اللي علي الضيق اللي هتكون هنا .. في البيت دا .. دلوقتي بس فهمت ليه قال انه عايز احتفال صغير واتحجج بسفره وشغله الكتير وعايزنا نسافر علي طول بعدها .. عايز الموضوع مايبقاش معروف!!
تردد صدى صوت ريهام بتساؤل أثناء نزولها الدرج مرتدية بدلة نسائية باللون الأبيض واعتمدت معها توب أنيقة وأكملت المظهر الأنيق بحقيبة كلاتش وصندل كعب عالي باللون الأبيض أيضا ومجوهرات ذهبية لتجمع بين الأنوثة والأناقة جرا ايه في ايه ليه پتزعقوا كدا!
أدارت سلمى رأسها إتجاهها وأشارت إليها بيدها قائلة لها بصوت غاضب تعالي يا ريهام .. اسمعي اختك بتقول ايه
وصلت ريهام إلى حيث كانوا واقفين توزع نظراتها بين والدتها وأبريل التي تقف فارغة