عشق الجزء الثاني بقلم مريم نصار

علشان تمشي لكن محمد مسكها من كف ايديها وهز راسه ليها بلا ما تمشيش
نور مره واحده اترمت ف حضڼ محمد الل انقذها ولاول مره محمد مغمض عينيه ونور سمعت دقات قلب محمد اللي بتزيد مش بتقل بحكم مهنتها
محمد مرضيش يضمها علشان ما تفهموش غلط مع انه حاسس انه بيحلم ونفسه يضمها اووى ولكن اكتفي بانه حط ايده على راسها بكل حب وخرجت من حضنه بدموع واول مره محمد يمسح دموع نور يايدو
وقالها انا قولتلك لو ليا شويه معزه عندك ما تعيطيش وعايزك تعرفي اني لاخر يوم في عمري هافضل
جمبك واحميكى حتى من الهوا اللي يحاول يأذيكي يا نور
في العربيه مالك الصاوي رايح على شركة جاسر الصاوي

شاف ماليكه بتتصل
مالك الو ايوه يا ماليكه
ماليكه انت فين يا مالك انا في الشركه من بدري وبتنفخ
مالك حبيبتي انا قدامي عشر دقايق وداخل عليكي اهو ومالك متعفرته ليه
ماليكه أوف اللي اسمه زياد ده بقاله يومين ما بيجيش الشركه ومن غير ماياخد إذن منى ووعدنى انه هيراجعلى والمفروض يكوون قدامى حالا
ما لك يمكن تعبان ولا حاجه يا ماليكه وبعدين ياخد إذن منك ليه هو مش شغال عندك زياد انسان منتظم في شغله وكمان الراجل يشكر اوى انه بيساعدك
وهو بيتكلم ماليكه سمعت صوت صرخه وعربيه مالك فرملت اااااااه 
يتبع.
مالك سايق العربيه وفي لحظه فرمل لان بنت ظهرت قدامه وخپطها فاجأه ورمى فونه ونزل بسرعه وجيري على البنت
وكانت واقعه ع الأرض ع وشها
مالك پخوف يا..ا اانسه انتي كويسه ونزل على ركبه والبنت على وشها ومالك ساعدها ولفها ليه وكان مغمى عليها
مالك من الخضه مش عارف يعمل ايه مالك شالها وركبها العربيه وطلع بيها على الشركه ونزل وشالها ووصلها لحد مكتب ماليكه اللي بتذاكر فيه جمب مكتب جاسر
ونيمها على الكنبه
ماليكا انت عملت ايه ومين دي وايه الصوت اللي سمعته وانا معاك على الفون
مالك اسكتي مش وقتك خالص ومالك مخضوض وخاېف يكون البنت جرالها حاجه
وجيري جايب كوبايه الميه وبيفوقها واخيرا البنت فتحت عينيها وكان فيها شبه من مالك بس مش كبير
مالك وماليكه انتي كويسه يا انسه
مالك يا انسه الله يخليكي ردي انتي كويسه
البنت ااااه اممم انا تعبانه انا فين
مالك اتنهد باريحيه الحمد لله
ماليكه انتى ردي انا باقولك انتي كويسه
البنت اااه مش عارفه انا عايزه ماما ارجوكم عايزه اروح وجات تقوم صړخت من رجليها اااااه رجلي ااااه
مالك مالها ثواني كده وراح يمسك رجليها
البنت ابعد عني ما تلمسنيش اااااه يا رجلي البنت عيطت وافتكرت العربيه اللي خبطتها كان في واحد سايق عربيه وخبطني اااااه كسرلي رجلي منه لله
مالك بحزن احم يا انسه انا اللي كنت سايق العربيه
البنت انت اااه ايوه ما انتو الاغنيه كده تدوسو على الغلابه اللي زينا وعيطت وازاي واحد لسه شاب صغير يسوق عربيه
مالك يا انسه انا كنت سايق على مهلي وبعدين انتي اللي ظهرتي قدامي فاجأه
البنت قصدك يعني اني انا اللي غلطانه وكملت بحزن عموما انا مش هاعرف اخد معاكو حق لكن متشكره لحضرتك
مالك حس ان قلبه زعلان عليها انا مش قصدي كده بس حضرتك الطريق كان فاضي وفجاءه لقيتك ظهرتي قدامي
البنت بعياط اعمل ايه جدتى بټموت وكنت عايزه اجيبلها العلاج رحت بعت الخاتم بتاعي علشان اجيبلها العلاج
ماليكه مادخلش عليها الحوار ايوه ايوه قولي كده بعتي الخاتم وعلاج جدتك كده فهمت
ماليكه راحت فتحت شنطتها وطلعت فلوس ورمتها للبنت دي على الترابيزه خدي دول تمن الخبطه وكمان تمن علاج جدتك وروحي يشاطره بقى قلبي رزقك في حته تانيه
البنت صعب عليها نفسها وبكت في صمت 
مالك اتدايق من ماليكه. ماليكه مش كده اسلوبك متعجرف جدا
البنت سيبها يا استاذ هما الاغنيه دايما يبصوا للناس الفقرا كده لكن انا مش فقيره اهلي كانوا في يوم من الايام عايشين مبسوطين وحاولت تقوم لكنها هتقع
ومالك لحقها تعالي معايا انا هاخدك على المستشفى علشان نطمن عليكي
انتي اسمك ايه
البنت ساره. ساره صلاح
ومالك سندها واخدها على المستشفى وعملت جبيره ووصلها لحد باب البيت ومامتها اول ما شفتها عيطت وزعلت جدا ولكن لما مالك شرحلها الموقف صممت مالك يتغدى معاهم تعبيرا عن انه ماسبش ساره ومشي
بقلمى Mariem Nasar
آدم ف المكتب وكان بيتكلم مع مريم ع الفون وبيقولها إن الشغالين هيكونو موجودين في الفيلا من بكره. ومريم لسه هتعترض آدم اتكلم پحده ان هو خلاص اخد القرار ومريم استسلمت وقالت الل تشوفه وآدم اتغزل فيها بحب وبعدها قفل لانه مستنى طارق وبيتر ومراد.
طارق ومراد رايحين ل آدم على الشركه وراكبين الاصانصير 
فون مراد رن وكان المتصل واحده بنت بتعاكس مراد وتتغزل فيه ومراد وطارق سمعوها ومراد قفل الاتصال في وشها
مراد قابل يا عم طارق بنات اخر زمن
طارق حصلت معايا كتير قوي بس انا ايه كنت اسد في نفسي كده عمري ماعكست واحده ولا بصيت ل واحده غير رنوش حبيبة قلبي
مراد كشړ عينيه انت هتقولي ده انت مثال للشرف . هههههههههههه
طارق والله ياخويا عمرك شوفتني بعاكس واحده انا عمري ما اعملها ابدا ابدا انما انت بقى
مراد انا ايه انا عمري في حياتي ما عاكست اي بنت لكن أنا عارف كل قذوراتك هههههه وحط في دماغك اصلا ما فيش اي واحده تأثر على مراد العدوي
مفيش غير فريحه وبس هي مصدر قوتى
واخيرا وصلوا وخرجوا من الاسانسير ورايحين على مكتب ادم واذ وفجاه
طارق وقف متنح ومراد واقف عادي
مراد ايه يا طارق وقفت ليه
طارق ولا يا مراد شايف اللي انا شايفه
مراد بص يمين وشمال شايف ايه يا عم مافيش حاجه
طارق شاور على مكتب السكرتيره قدامه وكانت واقفه بتظبط الاوراق على المكتب وكانت لابسه عباره عن جيب اسود قصير جدا جدا وبلوزه بيضا ضيقه جدا لحد الوصف
طارق يلا هنا بص ايه ده
مراد بص وقلع نضارته يا نهار اسود هو في كده
طارق ولا كده ابدا ايه ده يالا البت دي طلقه ېخرب بيتك
مراد طلقه ايه بس دي صاروخ وااتكااا والجيب الل لابساها فاضلها خضه وتتفرتك
طارق يعني قصدك اقول لل جيبه بخخ تتفرتك
مراد ېخرب بيتك لما بتلبسي كده في المكتب امال في البيت بتلبسي اييه الله يحرقك ويحرقك يا طارق
بيتر جه من وراهم وحط ايديه الاتنين على اكتافهم ولسه هيتكلم معاهم شاف السكرتيره
بيتر الله اييه ده. ايه البت الجامده دي
مراد وطارق بصو ل بيتر مش كده والنبي
بيتر البت دي بتعمل ايه هنا عند آدم المفروض دي تكون عندي في الشركه وسكرتيرتي الخاصه كمان.
السكرتيره قعدت ع المكتب
آدم فتح الباب وفهم وبصلهم مش هندخل ولا ايه
طارق وبيتر ومراد اا.. احم ا. ااايوه اتفضل جايين وراك
آدم دخل وطارق وبيتر دخلو ومراد جاي يدخل لكن رجع السكرتيره
مراد يا انسه أو يامدام
السكرتيره yes
مراد قرب من ودنها نسيتي تلبسى هدومك وسابها ودخل
طارق ايه يا آدم البت الجامده دي
بيتر جامده بس قول بطل
آدم خبط بايديه على المكتب واتخضوا ومراد دخل وآدم كمل في ايه يا مراهق انت وهو ايه مش قادرين تسيطرو على نفسكم
بيتر والله يا آدم يا اخويا العين محتاجه تتأمل في الطبيعه
طارق قولي يا آدم وقعت عليها فين دي البت رهيبه يخربيتها
آدم بنفاذ صبر دي سكرتيره لكام يوم بس علشان السكرتيره اللي عندي اخده اجازه ودي صاحبتها وجابتها وده اول يوم ليها النهارده
مراد احلى اجازه دي ولا ايه
وطارق وبيتر ضحكو
آدم بص ل مراد بنظره تحذيريه إن مش احنا الل نعاكس بنات الناس
مراد سكت تماما وبعدها قعدوا مع بعض وهزرو وضحكو واتفقوا على شغل واخيرا المقابله خلصت وطارق وبيتر اتحركوا
ومراد كان ماشي ورجع ل آدم وقرب منه احم يا ترى مريومه عارفه ان فيه هنا سكرتيره بالحلاوه دي وغمز ل آدم ومشي
وآدم صك ع أسنانه ومتغاظ من مراد
مراد نازل مع طارق وبيتر
طارق بتريقه ع مراد هههههه انا مفيش بنت تأثر عليا ااااه فريحه مصدر قوتى
مراد طبعا فريحه مصدر قوتى
لكن البنات نقطة ضعفي
بيتر هههههههههههههه
بقلمى Mariem Nasar
السكرتيره دخلت
Mister Adam الوفد الالماني على وصول
آدم مكنش اخد باله من السكرتيره لانه كان داخل على المكتب وهي قاعده وكان بيتكلم في الفون ومشفش لبسها
آدم بصلها من فوق لتحت وقام وقف قدامها
انتي اسمك ايه
السكرتيره كاميليا بس قولي كامى ده أسمي
آدم هز راسه امممم كامى طيب يا كامى هانم اول واخر مره تجيلي الشركه هنا باللبس ده
كامي وهل يوجد مشكله.
Is there a problem?
آدم بصي يابنتي دى حريتك وتلبسي برحتك انا ماليش أتدخل. لكن انا اعرف ان في بنات بتلبس لبس واسع لما تخرج من بيت اهلهم وبعدها بيكونو واخدين معاهم لبس ضيق ويغيره هدومهم بره ويلبسوا الضيق
انا بقى عايزك تعملي العكس
كامى مش فاهمه بمعنى
آدم يعني تكوني مجهزه معاكي طقم محترم كده تخرجي من بيتك باللبس الضيق ده براحتك لكن قبل ما تدخلي الشركه عندي هنا تلبسي الطقم المحترم واتفضلي لو احتاجت حاجه هاتصل عليكي وتبقى تبعتي الحاجه مع حد من الارشيف اتفضلي
نور من اخر موقف وانها اترمت في حضڼ محمد حست بحنان مميز هي ما كانتش حاسه ان في حاجه من ناحيه محمد ولحد دلوقت لكن في احساس داخلي حلو في قلبها وهي في حضنه ومن ساعه الموقف ده محمد يوميا يوصلها الجامعه ويجيبها وبيغير عليها من الهوا
لكن محمد تعبان من جواه حاسس انه حب من طرف واحد
محمد قاعد في شقته وشيرين راحت تزوره
ودخلت وكان محمد مربي دقنه نوعا ما ع غير الطبيعي
شيرين ايه يا محمد هتفضل بعيد عننا كده كتير
محمد ولا بعيد ولا حاجه يا امي انا بس في حاله عندي في المستشفى وملخبطاني
شيرين حاله. حاله ايه انت علشان هنا مراة اخوك منتقبه قولت انك هتعيش في الشقه لوحدك ومن ضغط منك احنا وافقنا لكن اتفقنا انك كل يوم هترجع على الفيلا تتغدى وتقضي وقتك معنا انا وابوك واخوك وترجع الشقه على النوم انما يا محمد اسبوعين. اسبوعين هان عليك ابوك وامك محمد قرب من شيرين ومسك ايديها وباسها بحب حقك عليا ڠصب عني صدقيني انا عايز اقعد مع نفسي شويه
شيرين واخرتها يا محمد هتفضل كده في احلامك كتير
محمد احلام ايه بس يا ماما
شيرين اوعى تكون مفكر ان محدش واخد باله ولا عارف انك بتفكر ازاي او عايز ايه
محمد بلاش الغاز يا ماما انا لا بحلم ولا بافكر انا كويس وزي الفل
شيرين حبك ل نور ڤاضح عينيك يابني وحبك ده خلاك ماتفكرش انك تاخد خطوه في حياتك لدرجه ان عمرك بيجري وانت رافض الجواز لا انت قادر