عشق الجزء الثاني بقلم مريم نصار
شويه حوارات كده ماحبتش اشغلك بيها
المهم هتيجيلي على الشقه.. انا ربع ساعه وهاكون هناك
سوزي طبعا.. انت وحشتني قوي.. ومثلت بزعل..انا كنت قولت خلاص توفيق نسينى وسابنى.
توفيق بخبث.. انتي بتقولي ايه.. ده انتي اللي نسيتيني هروب مراتي.. بعد ما سابتني ده انتي اللي في الشمال
سوزي حبيبي انت..متحرمش منك يقلبى.
سوزي وانا هحصلك يا قلبي
آدم صحي ولبس..وقال ل مريم.. تسبقو على تحت. وهو هيحصلها.. وهي استغربت
.. قالها.. هاعمل مكالمه وانزل ونزلت
آدم خرج من اوضته. وراح ع اوضت مراد..وفتح الباب..بشويش.. وشافه نايم بعمق وهمس وحياه امك لاربيك وماسك فون مراد من على الكومود.. وقفله خالص
فريحه الو.. صباح الخير يا عمو
آدم صباح الخير يا روح عمو.. عامله ايه
فريحه الحمد لله يا عمو.. بخير
آدم الحمد لله.. طيب يا حبيبتي.. اديني مراد اكلمه.. لاني اتصلت عليه دلوقتى.. وكان جمبه صوت بنات كتير.. ولسه بسأله.. وبقوله. ايه صوت البنات دى يامراد .ويادوبك قالي انا في الجامعه مع فريحه .وفونه شكله فصل. او هو قفله الله اعلم هاتيه علشان عايزه في حاجه مهمه
آدم ايه يافريحه. يا حبيبتي.. اديني مراد..
فريحه انت متأكد يا عمو انه مراد. .
آدم قطع كلامها. بس. بس يبقى تلاقيه لسه زعلان مني.. علشان ضړبته كتير وانا بلعب كوره امبارح. بس أنا كنت بهزر معاه..خلاص. خلاص مش مهم . المهم انه معاكي. وبعدين ما تحاوليش تخلي صحابك البنات قريبين منه قوي كده غيري عليه يا حبيبتي. علشان ماحدش يخطفوا منك..مع انى واثق انه ولا مليون بنت تاخد مراد منك.. مراد بيحبك اكتر من نفسه بس الغيره مطلوبه..ده كأن البنات كانت هتنط في الفون عندي وانا بكلمه وكنت هزعقله.. لكن اطمنت لما قالي انه معاكي بصي يا قلبي انا هاقفل علشان ورايا اجتماع مهم.. والوفود على وصول..باااي..
.وكل الوقت ده فريحه هتتجنن.. وتتصل على مراد مره واتنين وعشره فونه مغلق وتفتح واتس وتبعتله رسايل.. وتفتح ماسنجر وهتتجنن..وكل الشياطين قاعدين معاها بيصورولها.. ان مراد بعد ماباسها امبارح. سابها واتجه للبنات وفريحه قالت.. لاااااا ده انا اقټلك يا مراد .. يا نهار اسود..مراد فين مراد مع مين.. ومين البنات دي ااااه هاموت من الغيظ.. وفريحه شاطت واستحلفت لمراد اللي نايم ياعينى.. وابوه ب ينتقم منه..
مريم الو ..
رينو الو يا مامي
رينو ايوه يا مامي . مامي كنت عايزه اروح لرودي ازورها في البيت. واتصلت على بابي مشغول في اجتماع. وابيه زين قالي انه في اجتماع مع بابي .وابيه مراد فونه مغلق..
مريم ايوه يا حبيبتي ابوكى وزين في الشغل من بدري. وقال إنه عنده. اجتماع علشان هيحدده استلام. الشحنه ومراد اخوكي نايم شكله كان سهران طول الليل.. وكاتب على ورقه ما حدش يصحيه .
رينو طيب والعمل يا مامي.. رودي عامله عمليه وما شفتهاش بقالي يومين
مريم طيب بصي.. فهد معايا اهو لسه جاي من شويه هاقوله يجيلك يوصلك فهد اول ماصحى راح ع الكليه حضر التدريب. وجه على بيت رينو علشان يعتذرلها وملقهاش
ودلوقتي. فرح لما سمع مريم وقال ان دي فرصه اعتذر ل رينو.. وافهمها موقفي..
رينو بصوت مهموس فهد.. مامي لا انا مش هاروح ل رودي خلاص.. انا هاستنى الباص زمانه على وصول.. هاركب وهارجع على البيت
مريم بس يا بنتي انتي عايزه تشوفي صاحبتك وخصوصا انها يا قلبي يتيمه واخواتها مسافرين بره مصر.. وباباها اكيد في شغله يعني يا قلبي تلاقيها لوحدها فهد. اخد الفون من مريم..
..الو. رينو خليكي عندك.. انا ثواني وجايلك. وساب الفون لمريم ومشي بسرعه..فهد اتحرك
رينو بس يا مامي..اا انا. انا ما كنتش عايزه فهد يوصلني..
مريم ههههه ما تخافيش اكيد مش هيضرب حد تاني.. مريم فاهمه ان رينو خاېفه ان فهد يضرب حد..
مريم بصي يا رينو. خدي حاجه لصاحبتك وانتي داخله عليها.. وطمنيني اول ماتوصلى. على تليفونات ماشي يا حبيبتي .
رينو حاضر يا مامي
مريم انتى عارفه عنوانها..
رينو. لا مش فاكراه. لكن هاخدو من رودى.
مريم ماشى ياقلب ماما. وابعتيلى عنوانها في رساله. زيادة اطمئنان..
رينو حاضر يا مامي.. وقفلت.. ورينو. وقفت تستنى فهد. وكانت مټعصبه جدا.
بقلمى Mariem Nasar
فريحه كل الوقت ده اللي عدى ده.. بتتصل على مراد.. وخلاص وصلت لقمه ڠضبها . ومن ڠضبها راحت عند الكليه بتاعته لكن صعب جدا انها تدخل الكليه الحربيه . ورجعت تاني وكانت شايطه.. واتصلت على فهد الصبح. وقالها انه ف التدريب. وصعب دلوقتي يعرف مراد فين. قدامه ساعه ويخلص..وبعدها. بفتره.. اتصلت ع فهد تانى. وأكدلها ان مراد مجاش انهردا وقفلت وهي ھتنفجر خلاص .واقسمت انها ټقتل مراد على الخيانه دي وخلاص كل الطرق في وشها اتقفلت
ومش عارفه توصل لمراد اللي بياكل رز مع الملايكه في اوضته
آدم في الشركه وقاعد في اجتماع. مهم جدا وجواه مبسوط وبيتخيل ابنه وهو بيحاول يثبت براءته ل فريحه. وهو عارف انها ممكن تقلب جد مع مراد وفريحه لكن مراد خلا آدم يشيط ويجيب اخره. وإحساس الغيره بشع.. ياااااه على المتعه.. ولسه يابن العدوي ولسه
فهد كان سايق وطاير بالعربيه.. واخيرا وصل.. عند رينو ونزل وكان محرج جدا . وكمان رينو كان جواها مكسوفه.. وكره وغل.. لانها شايفه ان فهد استغلها .
فهد راح وقف قدام رينو وسكت شويه وبعدها. حس أنه لازم يتكلم . رينو انا ..
رينو سابته. وهو لسه هيتكلم وراحت فتحت باب العربيه وركبت وبصت قدامها بجمود
فهد اتنهد.. ولازم يستحمل لان العمله اللي عملها دى مش سهله انها تغتفر بسهوله .واتحرك وراح ركب جمبها ومشي بالعربيه.. وبعد عن المدرسه بمسافه كبيره وبعدها ركن العربيه واتكلم..
رينو لو سمحتى ممكن نتكلم .
رينوبصه قدامها بجمود وساكته .
فهد رينو لو سمحتي.. انا عايز اتكلم معاكي واشرحلك.
رينو پغضب. لو سمحت انت هتوصلني عند صحبتي.. ولا انزل واخد تاكسي
فهد لسه هيتكلم رينو. فتحت فونها واتصلت على رودي وجسمها فيه رجفه..لكن مثلت انها قويه ايوه يا رودي.. انا معايا واحد قريبنا من بعيد وجاي يوصلني. عندك.. لو سمحتي انا هافتح الاسبيكر.. وقولي العنوان بالظبط علشان يعرف العنوان وفعلا رينو فتحت الاسبيكر ومدت ايديها بالفون. قدام فهد.. ورودي قالت العنوان بالتفصيل وبعدها قفلت.
فهد اتخنق رينو لو سمحتي.. بلاش تعامليني كده انا عايز اعتذرك على اللي حصل.. انا ..وماكملش من رينو
رينو افتكرت لما فهد قرب عليها وباسها بكل قوته. اتغاظت اكتر وكرهته وکرهت نفسها .. لو سمحت يا فهد انت مصمم انك تتكلم وانا مش حابه اسمعك لكن انا اللي هاتكلم..وكلها بتترعش. لكن تماسكت انا عايزه اقولك. انك استغلتنى. وصډمتى فيك كبيره..وانك من النهارده تنسى واحده اسمها لارين العدوي والمعامله بينا هتبقى في حدود القرابه وبس . وبحذرك تقرب مني او تتدخل في حياتي يا فهد وعايزه اقولك.. اعترافك بحبك ليا ده تبله وتشرب مېته اللي بيحب حد..وعينيها دمعت..
.. بيحافظ عليه.. مش يهينو بالطريقه دي..وبصت في عنيه ويستغل ا نشغال ابوها. واخواتها الرجاله. وامها. ويعمل كدا.. وصممت تجرحه بجد ونعم الرجوله يا فهد ونعم الرجولهانت خونت عيلتى يافهد..وياريت تبعد عنى. ودمعت اكتر وقالت من ورا قلبها انا بكرهك يافهد
فهد اټصدم. وحس بۏجع ف قلبه وكمان ماستحملش. الاهانه..واتحرك من غير ما يتكلم كلمه واحده.. وطار بالعربيه..وفي اقل من خمس دقايق وصلها.. ونزلت.. وقالتله.. اتفضل انت.. انا ها خلي اي حد يوصلني.. او اخواتي الرجاله هااا الرجاله هتوصلنى واسمي بعد كده. الانسه. لارين وقفلت الباب..ودخلت العماره ومبصتش وراها..
وبعد ما مشى. رينو قعدت ع السلم وعيطت كتير..لانها اهانت فهد ف رجولته. هي عارفه انه راجل. ويقدر يدافع عنها. ويضرب اى حد يقربلها لكن ماكنتش تتوقع أنه يعمل كدا معاها
.فهد اول ما رينو قفلت الباب.. مستناش وطار بالعربيه وكان بينهج ومتدايق ومتعصب اكتر من كل مره وفرمل العربيه..وكل كلامها.. بيرن في ودنه بيحافظ عليها.. اهانه..رجاله..ونعم الرجوله استغلتنى اخواتى رجاله..استغليت انشغال ابويا اټصدمت فيك.. اعترافك بحبك تبله وتشرب مېته.. انسى لارين العدوي.. معامله بحدود..واكتر كلمه بترن وبتتكرر.
انا بكرهك يافهد
. وضړب على الدركسيون وقعد فتره ف العربيه وهي واقفه. يفكر ويعيد كل كلام البنت الل بيعشقها. وانها بتكرهه. وبعد تفكير.. اخد قرار انه يبعد عن لارين لانه ماستحملش..هو عمل كده في لحظه ضعف وڠضب.. وكان عايز يعتذرلها.. ويشرحلها مشاعره.. وانها لما تخلص الثانويه هيتقدملها وضړب تاني على الدركسيون ومسح وشه بايديه.. وطلع فونه واتصل .
رينو. بعد شويه من العياط.. حاولت تهدى..وطلعت عند رودي اللي فرحانه قوي.. ورحبت بيها جدا
و لسه بتسالها مالك يا رينو .
..فون رودي.. رن. ثواني. ايه ده رقم غريب..
رودي الو..
فهد الو.. انسه رودي
رودي ايوه مين حضرتك
فهد انا فهد السيوفي.. الانسه لارين. وصلت عندك .
رودي استغربت.. ايوه رينو وصلت وقاعده معايا فهد تمام وقفل
فهد حفظ رقم رودي.. لما كانت رينو فاتحه الاسبيكر ورودي بتقول العنوان .
رودي غريبه. يارينو. فهد اتصل عليا ليه. وبيسال انتى وصلتى عندى..
رينو غمضت عينيها. وعرفت كدا أن خلاص. فهد بعد الاهانه دى. هيبعد. وإن المعامله. هتبقى بحدود فعلا. دمعه نزلت ڠصب عنها. لكن هتعمل ايه فهد صدممها وأنه يقرب منها كدا. هي رافضه المبدء. واتنهدت. المهم انى مكسرش نفسى..
..
فهدقفل قبل ما رودي ترد.. وطار بالعربيه
وهيبتدي رحله الفراق وهنشوفه فهد بعد كده ايه اللي هيحصل معاه.. ومع رينو.. وهيستحمل الفراق هو ولارين ولا لا .
يتبع.
مراد صحي من النوم بعد العصر..وجسمه كله متكسر.. لانه منمش غير الصبح.. وقام واتعدل وعايز يشوف الساعه كام.. مسك فونه لقاه مقفول..وقال.. ايه ده. هو فوني مقفول ليه.!! انا فاكر اني سايبه مفتوح..وكمان الشحن كان كامل.
.وفتح فونه وبعد ما اتفتح..كميه من الرسايل كتيره جدا.. واتس ماسنجر.. رسايل على الرقم. وشاف
