رواية حبيت زعيم عصابة

متجوزه وحامل ده طبيعي بابا ما عرفش يقول لي ايه 
بس انا كملت كلامي وقلت له انت اخذت يا بابا المؤخر بتاع طلاقي ورضيتي ان انا اتجوزت ما تستغربش ان انا حامل بس لو سمحت انا عايزه اروح لجوزي واقول له اللي جوزك مين قلت له العاصي عشان يردني ليه ثاني بابا خاف وقال لي لو العاصي ردك ثاني رؤوف مش هيسكت قلت له رؤوف ما يهمنيش انا همشي يا بابا بعد اذنك لازم اروح القصر بتاع العاصي واقول له
خرجت ورحت له دخلت القصر وسالت عليه قالوا لي ان العاصي مش موجود كنت متغاظه ومتضايقه اكيد طبعا طلقني وهو عايش حياته ومبسوط فضلت قاعده مستنياه الوقت اتاخر وانا لسه مستنيه

القص رجع ورجالته عرفوه ان انا مستنياه اول ما دخل لقيته بيبص لي وهو مستغرب وقال لي ممكن افهم انت حامل ازاي جسمي كله ارتجف وقلت له انت عرفت ازاي موضوع الحمل ده قال لي انا عارف كل حاجه عنك كل حاجه بتحصل في بيتكم انا عارفها باكيت وقلت له ما كانش قدامي حل غير كده كان لازم اقول لهم ان انا حامل عشان رؤوف يبعد عني ويسيبني في حالي مش انت قلت لي هتحميني منه رؤوف جالي البيت واتفق مع بابا ان هو هيتجوزني اول ما العده بتاعتي تخلص بس اللي بيستغراب وقال لي عده ايه اللي تخلص قلت له العده بتاعتي مش انت خلاص طلقتني ابتسم كده بسخريه وقال لي لا ما حصلش انا ما طلقتكيش فرحت وابتسمت بسعاده كنت بتنطط على الارض وقلت له بجد يعني انا لسه مراتك استغرب وقال لي هو انت فرحانه بالخبر ده اتوترت وقلت له يعني بس انا مش عايزه اتجوز رؤوف قرب مني ورفع النقاب ولاول مره يبص في وشي وقال لي وانا مستحيل اسمح له يقرب منك وفجاه وهو بيبص في وشي شاف صوابع رؤوف اللي معلمه على خدي اټجنن وماسك خدك وقال لي مين اللي عمل كده خفت ما عرفتش انطق ضغط على ايدي بقوه قال لي انطقي مين اللي ايده اترفعت عليك بكيت وقلت له هو قال لي هو مين قلت له هو رؤوف
سابني وخرج بسرعه ورجالته وراه وانا فضلت واقفه ابكي ومش عارفه اعمل ايه كنت خاېفه عليه رؤوف مش سهل ومؤذي خاېفه يؤذيه.
قعدت وانا مړعوبه وبعد ساعتين لقيت عاصي رجع وقالي تعالي معايا 
سألته اجي معاك فين وهو مردش ومسك ايدي وخدني لمخرن تحت القصر وكان فيه رؤوف متربط وقاعد يتوسل له عشان يرحمه وعاصي صړخ فيه وقاله انت ازاي تمد ايدك على مراتي. انا استحملت ۏسخ تك كتير بس انت تخطيت حدودك وجبت المۏت لنفسك
رؤوف صړخ وقاله عايز ټقتل اخوك يا عاصي عشان مراتك
بصيت العاصي وقولتله اخوك مين هو يقصد ايه 
رد رؤوف وقالي ان العاصي يبقى اخوه
كانت اكبر صدمة ليا وبصيت للعاصي وقولتله بجد رؤوف اخوك 
رد رؤوف مش هيقدر يقولك ان انا اخوه وان العيلة كلهم غضبانين عليه بسبب شغله الشمال ولما خطڤك كان عشان يسوي حساباته معايا وقدر يضحك عليكي ويفهمك اني حابس اخوه ومانع عنه العلاج عشان يكسب تعاطفك. 
العاصي ساكت ومش بيتكلم ورؤوف بيقول كلام كتير يصدمني واخيرا عاصي اتكلم وقالي ايوا يا رحمه رؤوف يبقى اخويا 
قولتله يعني انتوا كنتوا بتلعبو بيا
العاصي انا انقذتك منه
رؤوف انا كنت بحبك وهو دخل بينا عشان يحرمني منك
صړخت فيهم هما الاتنين وقولتلهم بسس كفايه ابعدو عني انتو الاتنين مش عايزة اعرفكم تاني وقولت لعاصي انت لازم تطلقني حالا
قالي مش هطلقك يا رحمة ومتصدقيش كدب رؤوف هو قدر يخدع العيلة عشان يكسبهم في صفه بلاش تعملي زيهم
قولتله انا بكرهك مش عايزة اشوفك تاني ابعد عني
وفجأة فقدت الوعي وعاصي شالني واخدني على اوضته واول لما فوقت قولتله رجعني البيت عند بابا وطلقني 
لقيته بيقولي هطلقك بس في شخص لازم تشوفيه الاول. 
بعد لحظات لقيت رؤوف داخل وهو قاعد على كرسي متحرك واول لما شوفته اټصدمت. 
عاصي قالي ده رؤوف اخويا.. هو ده الظابط اللي انتي قابلتيه. 
قولتله يعني ايه 
قالي اللي تحت ده يبقى اسامه توأم رؤوف وهو اللي جالك يتقدم لخطبتك باسم رؤوف وكان هيتجوزك باسمه وبعد كام شهر يهرب ويسيبك ولو حاولتي تثبتي انه اتجوزك كنتي هتلاقي رؤوف الحقيقي شخص عاجز مش اللي اتجوزك. 
اتكلمت پصدمة وانت ليه ساكت مش بتقول ان ده اسامه مش رؤوف 
قالي عشان اسامه فاكر ان رؤوف ماټ وانا كنت بحاول اساعد اسامه انه يتغير بس بعد اللي عمله فيكي ده هو تخطي كل الحدود. 
سمعت صوت عربيات الشرطة ولقيت عاصي بيقولي انا لازم اسلم اسامه للشرطة عشان اطلقك وتكملي حياتك 
وقفت ابكي وعاصي نزل ولقيت رؤوف الحقيقي بيقولي هو بيحبك صدقيني ومش هتلاقي حد يحبك قده.. متتنزليش عنه. 
ابتسمت وانا ببكي وجريت على تحت
ولقيت عاصي واقف بعد ما سلم اسامه للشرطة ولقيت نفسي بجري عليه وبحضنه من ضهره وبقوله بحبك. 
الف ليا واخدني في حضنه وقالي بجد. 
هزيت راسي بكسوف وقولتله انا مش عايزة اطلق منك متسبنيش
قالي يعني موافقه تكوني مرات زعيم عصابه 
قولتله انا حبيت زعيم عصابه. 
تمت بحمد الله